شەر و پێکدادان لە دەوروبەری کەمپی "فیرقەی غورەبا" لە لادێکانی ئیدلب بەردەوامە
پەیامی کورد- ئیدلب
سەرچاوەیەکی مەیدانی دوێنێ چوارشەممە بە پەیامی کورد ڕاگەیاند، هێزەکانی ئاسایشی گشتی کەمپی فەرەنسایان گەمارۆداوە کە "فیرقەی غورەبا"ی تێدایە بە سەرۆکایەتی عومەر ئۆمسین، لە ناوچەی حارم لە لادێکانی ڕۆژئاوای ئیدلب، ئەمەش لەکاتێکدایە کە ماوەیەکی کورت لەمەوبەر ڕووبەڕووبوونەوە نوێبووەوە، لە سەرەتای سەرهەڵدانی گرژییە ئەمنییەکانی دوێنێ ئێوارەوە.
سەرچاوەکە ئاماژەی بەوەشکرد، گروپە چەکدارەکانی توخمەکانی "تورکستانی و ئۆزبەکستان" بەرەو شاری ئیدلب جوڵەیان کردووە و لە ئاسمانەوە تەقەیان کردووە. هەروەها کاروانەکانی کفری و ئەلفوعە بۆ پاڵپشتی عومەر ئۆمسین لە کەمپی فەرەنسا لە حارم جووڵەیان کرد.
وەزارەتی ناوخۆی سوریا لە لێدوانێکی فەرماندەی ئاسایشی گشتی لە ئیدلب، غەسان بەکر، ئاماژەی بەوەکرد، دەستیان کردووە بە گرتنەبەری ڕێوشوێنی بەپەلە، لەوانە گەمارۆدانی کەمپەکە و دانانی تیمی چاودێری، ئەمەش لە وەڵامی سکاڵاکانی دانیشتوانی کەمپی ئەلفەردان لە لادێی ئیدلب سەبارەت بەو پێشێلکارییە جددیانەی کە ڕووبەڕوویان بووەتەوە، کە دوایینیان ڕفاندنی کچێک بووە لەلایەن گروپێکی چەکداری دەرەوەی یاسا بە سەرۆکایەتی عومەر دیابی (ئۆمسین).
بەکر زیاتر گوتی، "فەرماندەیی ئاسایشی ناوخۆ هەوڵی دانوستاندن لەگەڵ سەرکردەکەدا بکات بۆ ئەوەی خۆبەخشانە خۆی ڕادەستی لایەنە پەیوەندیدارەکان بکات، بەڵام ئەو ڕەتیکردەوە، لە ناو کەمپەکەدا بەربەستی خۆی گرت و ڕێگری لە ڕۆیشتنی خەڵکی سڤیل کرد و دەستیکرد بە تەقەکردن و ئیستفزازی کارمەندانی ئەمنی و تیرۆرکردنی دانیشتووان".
جەختیشی لەوە کردەوە کە "فەرماندەیی ئاسایشی ناوخۆ دووپاتی دەکاتەوە کە پاراستنی هاوڵاتیانی مەدەنی و جێبەجێکردنی یاسا دوو ئەولەویەتی سەرەکییە، هەروەها بەردەوام دەبێت لە گرتنەبەری بە توندی هەموو ڕێوشوێنە یاسایی و ئەمنییە پێویستەکان بۆ دڵنیابوون لە جێبەجێکردنی یاسا".
ئەو گرووپە فەرەنسییە ئاسایشی گشتی تۆمەتبار دەکات بەوەی هەوڵی دەستپێکردنی ئۆپەراسیۆنێکی ئەمنی لەناو کەمپەکە و دەستگیرکردنی عومەر ئۆمسین و هەڵوەشاندنەوەی "لیوای غورەبا" لەسەر فەرمانی هەواڵگری فەرەنسا.
لە 13ی ئۆکتۆبەر، ئیدلب شایەتی گرژییە ئەمنییەکان و پێکدادانی سنووردار بوو لە نێوان گروپەکانی توخمەکانی ئۆزبەکستان و دەزگای ئاسایشی گشتی حکومەتی ئینتقالی سوریا، ئەمەش دوای دەستگیرکردنی ئەو فەرماندە مەیدانییە ناسراوە بە "ئەبو دوجەنا ئۆزبەکی" بوو.
