پەیامی کورد   ...   فەرماندەیەکی باڵای حیزبۆڵڵای لوبنان و سوپای قودس لە ئۆپراسیۆنێکی ئاسمانی ئیسرائیل دا کوژرا

سوپای ئیسرائیل ڕۆژی سێشەممە ١٢ی خاكەلێوە ڕایگەیاند کە ئێوارەی ڕۆژی دووشەممە لە میانەی ئۆپراسیۆنێکی هێزی ئاسمانیدا، حەسەن عەلی مەحموود بەدیر، یەكێك لە ئەندامانی سەرەکی حیزبۆڵڵای لوبنان و سوپای قودس، لە ناوچەی زاحیە کە بنکەی سەرەکی ئەو گرووپەیە، کراوەتە ئامانج و كوژراوە.

بەگوێرەی ڕاگەێندراوی سوپا، بەدیر کە سەر بە یەکەی ٣٩٠٠ی حیزبۆڵڵای لوبنان و سوپای قودسی سەر بە سوپای پاسداران بووە، لە ماوەی چەند هەفتەی ڕابردوودا بە هاوکاری حەماس، لە هەوڵی پلان و ئۆپراسیۆنی دژ بە هاووڵاتییانی ئیسرائیل بووە.