پەیامی کورد   ...   لاڤرۆڤ هۆشداری دەداتە وەزیری دەرەوەی سویسرا سەبارەت بە "لەدەست دانی بێلایەنی" لەسەر شانۆی جیهانی

🔸 وەزارەتی دەرەوەی ڕووسیا لە بەیاننامەیەکدا دوای دانووستانەکانی نێوان سێرگی لاڤرۆڤ و ئیگناسیۆ کاسیس وەزیری دەرەوەی سویسرا ڕایگەیاند: لە دانوستانەکاندا کۆمەڵێک بابەتی گرینگی نێودەوڵەتی تاوتوێ کرا، لەوانە چارەسەرکردنی کێشەی ئۆکراین ، لایەنی ڕووسیا جەختی لەسەر لەدەست دانی پێگەی سویسرا وەک ناوبژیوانێکی بێ لایەنی باوەڕپێکراو کردەوە ناتوانرێت لە کاتی داڕشتنی ڕێبازی ڕووسیا بەرامبەر بە سویسرا پشتگوێ بخرێت”.

🔸 جگە لەوەش وەزیرانی دەرەوەی هەردوو ووڵات گفتوگۆیان لەسەر چالاکییەکانی ڕێکخراوی ئاسایش و هاوکاری لە ئەورووپا کرد لە چوارچێوەی سەرۆکایەتی داهاتووی سویسرا بۆ ڕێکخراوەکە لە ساڵی ٢٠٢٦. ڕووسیا هەڵسەنگاندنی خۆی بۆ “هۆکارەکانی دۆخی ناخۆشی کاروباری ڕێکخراوی نەتەوە یەکگرتووەکان و دابەزینی ڕۆڵی لە دەستەبەرکردنی ئاسایش و هاوکارییەکان” بە ووردی خستەڕوو.