پەیامی کورد   ...   نەخشەی گووگڵ ناوی کەندئاوی مەکسیک دەگۆڕێت بۆ کەندئاوی ئەمریکا

بەگوێرەی سەرچاوە ئاگادارەکان، نەخشەی گووگڵ ناوی "کەندئاوی مەکسیک" دەگۆڕێت بۆ "کەندئاوەکانی ئەمریکا" دوای ئەوەی بە فەرمی لە سیستەمی ناوە جوگرافییەکانی ئەمریکادا نوێ دەکرێتەوە.
گووگڵ لە پۆستێکدا لە تۆڕی کۆمەڵایەتی "X" ڕایگەیاند کە گۆڕینی ناوەکە لە ئەمریکا دیار دەبێت، بەڵام ناوی کەندئاوەکە لە مەکسیک هەر بە "کەندئاوەکانی مەکسیک" دەمێنێتەوە. لە دەرەوەی ئەو دوو ووڵاتە، بەکارهێنەران هەردوو ناوەکە لە نەخشەی گووگڵ دا دەبینن.
بە پێی ڕاپۆرتێک بە پشت بەستن بە ئاژانسی ڕۆیتەرز بڵاویکردەوە، وەزارەتی ناوخۆی ئیدارەی ترامپ ڕۆژی هەینی ڕایگەیاند، بە فەرمی ناوی "کەندئاوی مەکسیک"یان گۆڕیوە بۆ "کەندئاوی ئەمریکا" و لووتکەی دێنالی ئەلاسکا کە بەرزترین چیای... ئەمریکای باکوور، تا چیای مەکینلی.
کۆمپانیای گووگڵ کە خاوەنەکەی کۆمپانیای ئەلفابێتە، گۆڕانکارییەکی هاوشێوە بۆ ماونت مەکینلی دەکات.
دۆناڵد ترامپ، سەرۆکی ویلایەتە یەکگرتووەکانی ئەمەریکا لە چوارچێوەی کارە جێبەجێکارییەکانیدا فەرمانی گۆڕینی ناوەکەی دەرکرد و بەڵێنەکەی لە هەڵمەتی هەڵبژاردنەکانیدا جێبەجێ کرد، ئەمەش دوای چەند کاتژمێرێک لە دەست بەکاربوونی لە ٢٠ی ژانویە. وەزارەتی ناوخۆی ئەمریکا هەفتەی ڕابردوو لە بەیاننامەیەکدا ڕایگەیاند: "بە فەرمانی سەرۆک کۆمار، ئێستا بە فەرمی "کەندئاوەی مەکسیک" بە "کەندئاوەکانی ئەمریکا" ناسراوە و بەرزترین لووتکەی ئەمریکای باکوور جارێکی دیکە دەبێتەوە ناوی چیای مەکینلی لێنراوە."

سەرەتای ئەم مانگە، سەرۆکی مەکسیک کلەودیا شەینبام بە گاڵتەجاڕیەوە پێشنیاری کرد کە ئەمریکای باکوور بە ئەمریکاشەوە ناوی بگۆڕدرێت بۆ “ئەمریکای مەکسیکی”؛ ناوێکی مێژوویی کە لەسەر نەخشەی ڕەسەنی ئەم ناوچەیە بەکارهاتووە.

گووگڵ هەمان ئەم ڕێکەوتننامانەی ناونانی ناوچەیی بەکارهێناوە بۆ شوێنەکانی تر کە ناکۆکی ناونانی هەیە. لە دەرەوەی ژاپۆن و کۆریای باشوور، ڕێڕەوی ئاوی نێوان ئەو دوو ووڵاتە بە "دەریای ژاپۆن" (دەریای ڕۆژهەڵات) ناودەبرێت.

دوای ئەوەی گووگڵ ناوی "کەندئاوی فارس"ی لە نەخشەی گووگڵ لابرد و ڕێڕەوی ئاوەکەی بە بێ ناوی هێشتەوە، ئێران هەڕەشەی کرد کە لە ساڵی ٢٠١٢دا ڕێوشوێنی فەرمی بەرامبەر ئەو کۆمپانیایە ئەمریکییە بگرێتەبەر.

ئێستا "کەندئاوی فارس" لە ووڵاتانی دیکەدا بە دوو ناوی "کەندئاوی فارس" و ناوی درۆی "کەندئاوەی عەرەبی" لە نێو کەوانەدا نیشان دەدرێت.