پەیامی کورد   ...   کۆشکی سپی : بیر لە گەشتێکی ئەگەری ترامپ بۆ سەعوودیە دەکەینەوە

بەرپرسێکی کۆشکی سپی سەبارەت بە یەکەم گەشتی دەرەکی دۆناڵد ترامپ، سەرۆکی ئەمریکا ڕایگەیاند: لە ئێستادا پێداچوونەوە بە ئەگەری گەشتەکەی ترامپ بۆ سەعوودیە دەکەین.
بەرپرسێکی کۆشکی سپی ڕۆژی دووشەممە بە کاتی ناوخۆی ووڵاتەکەی بە ڕۆژنامەنووسانی ڕاگەیاند: "سەفەری نێودەوڵەتی بۆ سەرۆک کۆمار لەبەرچاو دەگیرێت. هێشتا پلانی دیاریکراومان نییە، کاتێکیش بە فەرمی نوێکارییەک پێشکەش دەکەین".

یەکەم گەشتی دەرەکی ترامپ لە ماوەی ئیدارەی پێشووی دا سەردانی پێنج شوێنی مەبەست بوو، لەوانە سەعوودیە، ناوچە داگیرکراوەکانی فەلەستین، ڤاتیکان، لووتکەی ناتۆ لە برۆکسل و لووتکەی گرووپی حەوت لە سیسیلیا.

ترامپ پێشتر لە کۆشکی سپی بە ڕۆژنامەنووسانی ڕاگەیاندبوو کە پێدەچێت لە ماوەی مانگ و نیوێکی داهاتوودا گەشت بۆ سەعوودیە بکات.

سەرۆکی ئەمریکا جەختی لەوە کردەوە کە لە سەردانەکەی پێشوویدا بۆ ئەو ووڵاتە، سەعوودیە 450 ملیار دۆلاری وەبەرهێنانی کردووە و ئەم جارەیان ڕەزامەندی دەربڕیوە لەسەر وەبەرهێنانی یەک ترلیۆن دۆلار لە کۆمپانیا ئەمریکییەکان لە ماوەی چوار ساڵدا.

ماڵپەڕی ئەکسیووس بە پشت بەستن بە سەرچاوە ئاگادارەکان ڕایگەیاند کە ترامپ بەنیازە یەکەم گەشتی دەرەوەی ووڵات ئەنجام بدات دوای گەڕانەوەی بۆ کۆشکی سپی بۆ سەعوودیە لە ناوەڕاستی مانگی ئایاردا.

ئاکسیۆس بە پشت بەستن بە دوو بەرپرسی ئەمریکی و سەرچاوەیەکی ئاگادار، ووتی گەشتەکەی ترامپ لە کاتێکدایە کە ئیدارەکەی هەوڵ دەدات ئاگربەست لە غەززە زیندوو بکاتەوە و ڕێگە خۆش بکات بۆ ئەوەی حەماس بۆ ئازادکردنی زیندانییەکان.

بەگوێرەی ڕاپۆرتەکە، لە بارودۆخی ئێستادا، پلانی ئاساییکردنەوەی پەیوەندییەکانی نێوان ئیسرائیل و سەعوودیە وەستاوە، چوونکە ڕیاز داوای پابەندبوونێکی یەکلاکەرەوە و کاتی دەکات بۆ پێکهێنانی دەوڵەتی فەلەستین، بەڵام ئیسرائیل ئەو داوایە قبووڵ ناکات.

بەپێی زانیارییەکانی ئاکسیووس، وادەی سەرەتایی گەشتەکە ٢٨ی نیسان بووە، بەڵام ئێستا پلاندانان بۆ ناوەڕاستی مانگی ئایار بەردەوامە.

بەرپرسێکی ئیدارەی ترامپ بە ئاکسیووسی ڕاگەیاندووە، ئەو گەشتە وەک دەرفەتێک سەیر دەکرێت بۆ پتەوکردنی پەیوەندییەکان لەگەڵ ووڵاتانی کەندئاو و گفتوگۆکردن لەسەر وەبەرهێنانی بیانی و چارەسەرکردنی ناکۆکییەکانی ناوچەکە.

هێشتا ڕوون نییە کە ئایا ترامپ لەگەڵ سەرکردە عەرەبییەکانی ناوچەکە لە سەعوودیە کۆدەبێتەوە، وەک چۆن لە گەشتەکەیدا لە مانگی ئایاری ٢٠١٧دا کردبووی، یان سەردانی ووڵاتانی دیکەی ناوچەکەش دەکات.

ئێستا سەعوودیە ڕۆڵێکی کارا دەبینێت لە نێوەندگیریکردنی ئاگربەست لە شەڕی سێ ساڵەی نێوان ڕووسیا و ئۆکراین و بەگوێرەی ئاکسیووس، ڕیاز پێی خۆشە ئەو کۆبوونەوەیە دوای ڕێککەوتنی ئاگربەست لە نێوان مۆسکۆ و کیێڤ ئەنجام بدرێت.