سه‌رۆكى هه‌رێمى كوردستان پێشوازی له كونسووڵى گشتی نوێى هێندووستان كرد
پەیامی کورد ... سه‌رۆكى هه‌رێمى كوردستان پێشوازی له كونسووڵى گشتی نوێى هێندووستان كرد
پێشنیوه‌ڕۆى یه‌كشه‌ممه 2025/6/29 نێچیرڤان بارزانى، سه‌رۆكى هه‌رێمى كوردستان، له دیدارێكدا له‌گه‌ڵ بریجیش كۆمار، كونسووڵى گشتی نوێى هێندووستان له هه‌رێمى كوردستان، وێڕاى پیرۆزبایى بۆ ده‌ست به‌كاربوون، هیواى سه‌ركه‌وتنى بۆ خواست و هه‌موو پشتگیرییه‌كى لایه‌نه په‌یوه‌ندیداره‌كانى هه‌رێمى كوردستانى بۆ سه‌رخستنى ئه‌ركه‌كه‌ى، دووپات كرده‌وه.
هه‌ردوولا جه‌ختیان له خواستى دوولایه‌نه بۆ بره‌ودانى زیاتر به په‌یوه‌ندییه‌كان كرده‌وه و ده‌رباره‌ى چۆنیه‌تی فراوانكردنى هاوكاری هاوبه‌ش له بواره جیاكادا، بیروڕایان گۆڕییەوە، هه‌روه‌ها تیشكیان خسته سه‌ر كار و چالاكی ده‌ستى كار و كۆمپانیا هێندییه‌كان له عێراق و هه‌رێمى كوردستان.
دوایین پێشهاته‌كانى ناوچه‌كه و لێكه‌وته‌كانى، ته‌وه‌رێكى دیكه‌ى دیداره‌كه بوو.
ئەم بابەتە 12 جار خوێندراوەتەوە
