پەیامی کورد    ...   سەرۆكی حكوومەت پێشوازی لە سەرۆكی هاوپەیمانی سیادە كرد

سەرۆكی حكوومەتی هەرێمی كوردستان، پێشوازی لە سەرۆكی هاوپەیمانی سیادە لە ئەنجوومەنی نوێنەرانی عێراق كرد و چەند بابەتێك تاوتوێ كران.

پێنجشەممە 29/5/2025، مەسروور بارزانی، سەرۆكی حكوومەتی هەرێمی كوردستان، پێشوازی لە خەمیس خەنجەر، سەرۆکی هاوپەیمانی سیادە لە ئەنجوومەنی نوێنەرانی عێراق کرد، لە کۆبوونەوەکەدا گفتوگۆ لەبارەی دۆخی گشتی عێراق و ئامادەکارییەکانی هەڵبژاردنی ئەنجوومەنی نوێنەرانی عێراق کرا کە بڕیارە لە مانگی 11ی ئەمساڵ بکرێت.

لە بەشێکی دیکەی دیدارەکەدا، جەخت لە گرینگی ڕێزگرتن لە سیستەمی فیدراڵی و مافەکانی گشت پێکهاتەکانی عێراق و قەوارەی دەستووری هەرێمی کوردستان و ناردنی شایستە داراییەکانی خەڵکی کوردستان کرایەوە.