پەیامی کورد   ...   ڕاگەێندراوێک لە مەکتەبی سیاسی پارتی دیموکراتی کوردستان ەوە

پێنجشەممە، 29ـی ئایاری 2025، مەکتەبی سیاسی پارتی دیموکراتی کوردستان ڕاگەێندراوێکی دەربارەی نووسراوەکەی دوێنێی وەزارەتی دارایی فیدرال بڵاوکردەوە و  ڕایگەیاند، ئەگەر تا پێش جەژنی پیرۆزی قوربان ماف و شایستە دارایی یەکانی خەڵکی هەرێمی کوردستان ڕەوانە نەکرێت هەڵوێستی جیددیمان دەبێت.

ده‌قی ڕاگه‌ێندراوه‌كه‌ی مەکتەبی سیاسی پارتی دیموکراتی کوردستان:

ڕای گشتی عێراق و هەرێمی کوردستان ئاگادار دەکەینەوە کە حکوومەتی فیدراڵی بەردەوامە لە پێشێلکردنی مافە دەستوورییەکانی هەرێمی کوردستان و دوا پێشلکاریشی نووسراوەکەی دوێنێی وەزارەتی داراییە کە دژی دەستوور و بنەماکانی ڕێککەوتنی پێکهێنانی حکوومەتە و، بە سیاسی کردنی قووتی خەڵکە، ئەم بابەتە لە کۆبوونەوەی داهاتووی کۆمیتەی ناوەندی پارتیمان لە ٢/ ٦/ ٢٠٢٥ دەخەینە بەرباس و بڕیاروەرگرتن و ئەگەر تا پێش جەژنی پیرۆزی قوربان ماف و شایستە داراییەکانی خەڵکی هەرێمی کوردستان ڕەوانە نەکرێت هەڵوێستی جدیمان دەبێت و ڕایدەگەێنین.

مەکتەبی سیاسی پارتی دیموکراتی کوردستان

٢٩ـی ٥ـی ٢٠٢٥