پەیامی کورد   ...   شەپۆلێکی باران لە دهۆکەوە دەست پێ دەکات و سەرجەم هەرێم دەگرێتەوە

بەڕێوبەرایەتی گشتی کەشناسی هەرێمی کوردستان، کەشى پێشبینی کراوى 48 کاتژمێرى داهاتووی بڵاو کردەوە و ڕایگەیاند، شەپۆلێکی نمە باران و هەورە تریشقە دەست پی دەکات.

بەڕێوبەرایەتی گشتی کەشناسی هەرێمی کوردستان ڕایگەیاند، پێشبینی دەکرێت، کەشی سێشەممە، 1-4-2025، ئاسمان ساماڵ و پەڵەهەور بێت، لە درەنگانى شەودا لە باکوورى هەرێم دەگۆڕێت بۆ هەورى تەواو، هەروەها پلەکانی گەرماش 2 تا 4 پلە بەراورد بە تۆمارکراوەکانی دوێنێ بەرز بوونەوە.

ئاماژەی بەوەش دا، پێشبینی دەکرێت کەشی ئەمڕۆ چوارشەممە، 2-4-2025، ئاسمان هەوری تەواو بێت لەگەڵ بارینى شەپۆلێکى نمە باران و هەورە تریشقە، کە سەرەتا لە ناوچە شاخاوییەکانى دهۆکەوە دەست پێ دەکات، پاشان سەرجەم ناوچەکانى هەرێم دەگرێتەوە، هەروەها لە بەشێک لە ناوچە شاخاوییەکانى پارێزگای دهۆک شێوازى دابارین هەندێک جار دەگۆڕێت بۆ تاوە بارانى بەلێزمە و هەورە تریشقە بەڵام لە درەگانى شەودا کۆتایی دێت، پلەکانی گەرماش نزیک دەبێتەوە لە تۆمارکراوەکانی ئەمڕۆ.