Artêşa Îsraîlê bi tankan kete nav Sûriyê

PeyamaKurd – Hate ragihandin ku artêşa Îsraîlê bi tankan kete nav 2 gund û 2 deverên li Başûrê parêzgeha Quneytira ya Sûriyê.

Çavdêriya Mafên Mirovan a Sûriyê (SOHR) ragihand ku îro danê sibehê artêşa Îsraîlê bi tankan kete nav gundên bi navê El-Eşe û Ebû Xara yê li gundewarê parêzgeha Quneytirayê û ew der kontrol kir.

Herwiha hate diyarkirin ku artêşa Îsraîlê kete mezreya El-Hîra û xala leşkerî a tankan li başûrê Quneytirayê.

Şeva borî jî artêşa Îsraîlê li heman herêmê hin cihên çekan teqandibûn.

Hêzên Israîlê ji xelkên gundewarê Quneytirayê re gotine ku ew der herêmek leşkerî ye û daxwaza radestkirina çekan ji wan kirine.

Ev nivîs 65 car hatiye xwendin.