3 balafirên Amerîkî yên neqlîyê çek danîn Rojavayê Kurdistanê
PeyamaKurd – Hate ragihandin ku Balafirên Hevpeymaniya Navdewletî ya Dijî DAIŞê ku Amerîka pêşengiya wê dike, barên çek û cebilxaneyan gihandin Rojavayê Kurdistanê.
Li gorî ragihandina çavkaniyên xwecihî, 3 balafirên neqlîyê yên Amerîkî barên çek û cebilxane û alavên din ên lojîstîkî li bajarê Hesekê yê Rojavayê Kurdistanê danîn.
Hate zanîn ku ew hersê balafir li baregeha hevpeymaniyê ya Şedadê danîne û çek veguhestine baregehê.
Hêjayî bibîrxistinê ye, piştî ruxandina rejîma Esed li Sûriyê bi sedema çêbûna valahiya ewlehîyê zêdebûna çalakiyên çekdarên DAIŞê Amerîka hêzên xwe yên li Rojavayê Kurdistanê zêde kirine û niha jî wan hêzan teqwiye dike.
Ev nivîs 324 car hatiye xwendin.
