El-Quds El-Erebî: Deshilata Şamê û nûnerên Durziyan li Urdinê dicivin
PeyamaKurd- Hate ragihandin ku amadekarî ji bo lidarxistina civînekê ji bo danûstandinan di navbera Hikûmeta veguhêz a Sûriyê û nûner û rûspiyên Siwêdayê de li Urdinê têne kirin.
Rojnameya El-Quds El-Erebî bi zarê çavkaniyên xwe ragihandiye, nûnerê taybet ê Amerîka bo Sûriyê Tomas Barrack pêwendiyan bi hemahengiyê dike li gel wezîrê derve yê Urdinê û hejmarek wezîrên derve yên Ereb û wezîrê derve yê Turkiyê, ji bo lidarxistina vê civînê.
Çavkaniyan daye zanîn ku wê ev civîn di dawiya hefteyê de were lidarxistin û piştgiriya navdewletî û herêmî ji bo serkeftina wê heye.
Herwiha hatiye diyarkirin ku hewl têne dayîn ku Şêx Hikmet El-Hecerî bi beşdarbûnê razî bibe, herwiha hejmarek rûspî ji malbatên xwecihî û serkirdeyên komên çekdar jî amade dibin.
Ev nivîs 127 car hatiye xwendin.
