Konseya Ewlehiyê ya NY êrîşa li Dohayê şermezar kir!
PeyamaKurd - Endamên Konseya Ewlehiyê ya NY êrîşa li ser Dohaya paytexta Qeterê di 9ê Îlonê de şermezar kirin, lê di daxuyaniya xwe de behsa Îsraîlê, ku tê îdiakirin berpirsiyar e, nekirin.
Di daxuyaniyek nivîskî de, endamên Konseya Ewlehiyê ya NY êrîşa li Dohayê, ku tîma danûstandinê ya Hamasê lê bû, şermezar kirin û bêyî ku rasterast navê Îsraîlê bidin, daxwaza kêmkirina rageşiyê kirin.
Endamên Konseyê "xemgîniya xwe ya kûr" ji bo qurbaniyên sivîl anîn ziman û tekez kirin ku "girîngiya kêmkirina rageşiyê" heye.
Di daxuyaniyê de her wiha hevgirtina xwe bi Qeterê re nîşan dan û piştgiriya wê ji bo serwerî û yekparçeyiya axa wê, li gorî prensîbên Peymana NY, tekez kirin.
Di daxuyaniya xwe de, endamên Konseyê her wiha piştgiriya xwe ji bo "rola girîng" a Qeterê, ligel Misir û DYAyê, di hewldanên navbeynkariyê de li herêmê tekez kirin.
Endamên Konseyê tekez kirin ku berdana hemî girtiyan û bidawîanîna şer û êşên li Xezzeyê pêşîniyên wan ên sereke ne, girîngiya hewldanên dîplomatîk dubare kirin û ji aliyan xwestin ku derfeta aştiyê bikar bînin.
Ev nivîs 61 car hatiye xwendin.
