Îsraîl: Qeter wê yan Hamasê şermezar bike yan jî...
PeyamaKurd - Nûnerê Daîmî yê Îsraîlê li Neteweyên Yekbûyî (NY) Danny Danon, diyar kir ku şandeya Hamasê ya li Qeterê hedefgirtî "siyasetmedar, dîplomat an nûnerên rewa nînin" û "plankerên 7ê Cotmehê bûn."
Konseya Ewlehiyê ya NY ji bo nîqaşkirina "rewşa Rojhilata Navîn" civiya.
Danon îdia kir ku Îsraîlê pêşniyara agirbestê ya Serokê Dewletên Yekbûyî yên Amerîkayê Donald Trump pejirand, lê Hamasê ew qebûl nekir. Wî got, "Li Xezzeyê, Tehran û Dohayê ji bo terorîstan cihekî ewle tune. Ji bo terorîstan bêparastin tune. Dîrok wê ji hevkarên xwe re dilovan nebe."
Nûnerê NY yê Îsraîlê, Danny Danon diyar kir ku şandeya Hamasê ya li Qeterê hedefgirtî "siyasetmedar, dîplomat an nûnerên rewa nînin" û "plankerên 7ê Cotmehê bûn" û Qeter cihekî terorîstan bû.
Danon bang li Qeterê kir ku li dijî Hamasê helwest bigire û got, "Yan Qeter wê Hamasê şermezar bike, Hamasê derxîne û bîne ber dadgehê, an jî Îsraîl wê vê yekê bike."
