Pakistan | Êrîşî trênekê hat kirin: 450 rêwî hatin dîlgirtin

PeyamaKurd – Trêna Jaffar Expressê ku bi sedan rêwû tê de bûn, li herêma Belûcistanê ya başûrê rojavayê Pakistanê rastî êrîşa çekdarî hat û hat rawestandin. 

Hat ragihandin ku Artêşa Rizgariya Belûcistanê (BLA) berpirsyariya êrîşê li xwe girt û îdia kir ku wan trên xistine bin kontrola xwe û hin hêzên ewlehiyê dîl girtine.

Li başûrê rojavayê Pakistanê êrîş li trênekê hat kirin ku bi sedan rêwî tê de bûn. Rayedarên polîsan diyar kir ku trêna ku ji Quettayê diçû Rawalpindiyê li herêma Muşqafê rastî êrîşê hat û di êrîşê de endezyar jî di nav de 3 kes birîndar bûn.

Hêzên ewlehiyê yên sewqî cihê bûyerê hatin kirin bi êrîşkaran re şer kir. Hikûmeta Pakistanê diyar kir ku rewşa awarte ragihandiye û hemû saziyên pêwendîdar seferber kirine.

BLA yek ji mezintirîn rêxistinên cudaxwaz ên Pakistanê ye, ku dibêje ku çavkaniyên dewlemend ên xwezayî yên Belûcistanê bi neheqî têne bikaranîn û daxwaza serxwebûnê dike. Rêxistina ku di van salên dawî de bi êrîşên li dijî hikûmet, artêş û veberhênanên Çînê derketiye pêş, weke yek ji komên herî bi bandor ên tevgera serhildanê ya li herêmê tê naskirin.

Ev nivîs 33 car hatiye xwendin.