Rûsya di celba Baharê de 160 hezar leşker dixe bin sîlih
PeyamaKurd – Serokê Rûsyayê Vladimir Putin ragihand ku wê îsal bo celba Baharê bangî 160 hezarî bikin bo bibin leşker. Wê temenê wan di navbera 18-30an de be.
160 hezar leşker piştî sala 2011an heya niha jimara herî zêdeye ku bangî wan yê leşkeriyê dikin. Putin her weha got ku di nav 3 salên pêşiya me de wê 180 hezarên din jî li artêşê zêde bikin.
Her çiqas dibêjin wê van leşkeran neşînin cepha şerê Ûkraynayê jî, leşkerên celbên berya niha ku wan kirine leşker, şandine cepha şer ya Ûkraynayê.
Putin, berya çend mehan gotibû ku divê jimara leşkeran derxin 2,39 milyonî û ya xebatkarên aktîf yên artêşê derxin 1,5 milyonî.
Koramiral Vlatimir Tsimliyanski jî got ku di çarçova leşkeriya mecbûrî de, leşkerên ku bistînin nav artêşê, dê wan neşînin cepha Ûkraynayê.
Ev nivîs 45 car hatiye xwendin.
