Serokwezîra nû ya Japonyayê xercên parastinê zêde dike

PeyamaKurd – Serokwezîra nû ya Japonyayê Sanae Takaichi ragihand ku ew ê du sal berî dema diyarkirî xercên parastinê zêde bike û siyasetek darayî ya proaktîf a ku li ser pêşîniyên stratejîk ên welêt disekine bi cîh bîne.

Li gorî Reutersê, di axaftina xwe ya yekem de piştî ku dest bi kar kir, Takaichi diyar kir ku xercên parastinê yên Japonyayê wê heta dawiya Adarê bigihîjin ji sedî 2ê hilberîna navxweyî ya giştî (GDP).

Takaichi diyar kir ku "Divê Japonya destpêşxeriyê bigire da ku şiyanên xwe yên parastinê bi bingehîn xurt bike", tekez kir ku aboriyek bihêz şertek ji bo siyaseta darayî ya baş e û pabendbûna xwe ya bi xercên "proaktîf" ji bo teşwîqkirina mezinbûna aborî tekez kir.

Serokwezîra nû herwiha diyar kir ku ew ê gavan bavêje da ku baweriya veberhêneran bi aboriya welêt biparêze û soz da ku rêjeya deynê giştî-GDP kêm bike.

Hikûmeta berê plan kiribû ku heta sala 2027an bigihîje vê armancê.