Wezîrên YEyê: Pûtin aştiyê naxwaze
PeyamaKurd – Wezîra Derve ya Almanyayê Annalena Baerbock, îro, di serdana xwe ya nediyar a Kîevê de, Serokê Rûsyayê Vladimir Putin bi ”lîstika demê” tawanbar kir û got, “Ûkrayna ji bo agirbestê amade ye, lê Pûtin aştiyê naxwaze û şerê xwe yê neqanûnî didomîne.”
Serokwezîra Estonyayê Kaja Kallasê jî ku bi Wezîra Derve ya Almanyayê re hemfikir e, destnîşan kir ku Rûsya aştiyê naxwaze.
Her weha Wezîrê Derve yê Polonyayê Radoslaw Sikorski jî daxwaz kir ku ji Rûsyayê re demeke diyarkirî bê danîn ji bo agirbestê.
Wî anî zimên ku Serokê Amerîkayê Donald Trump ”hêdî hêdî zoriyên danûstandinê bi Pûtin re fam dike.”
Berdevkê Kremlînê Dîmîtrî Peskov bersiv da van daxuyaniyan û got ku ev pêvajo bi demê ve girêdayî û tevlihev e, lê Rûsya ji diyalogê re vekirî ye.
Ev nivîs 41 car hatiye xwendin.
