Zelenskyy: "Me pêkhateya Patriot a parastina xwe ya hewayî xurt kiriye"

PeyamaKurd - Serokkomarê Ukraynayê Volodymyr Zelenskyy ragihand ku wan pergala parastina hewayî ya welatê wî bi pergalên parastina hewayî yên "Patriot" ên çêkirî yên Amerîkî xurt kiriye.

Di daxuyaniyek nivîskî de, Zelenskyy tekez kir ku ew hewlên xwe ji bo xurtkirina şiyanên parastina hewayî ya Ukraynayê didomînin.

Zelenskyy spasiya Şansolyerê Alman Friedrich Merz ji bo piştgiriya wî di vê mijarê de kir û got, "Me pêkhateya Patriot a parastina hewayî ya Ukraynayê xurt kiriye. Em demek dirêj e amadekariyên xurtkirina parastina xwe ya hewayî dikin û peymanên ku hatine bidestxistin hatine bicîhanîn."

Zelenskyy destnîşan kir ku divê Rûsya êrîşên hewayî yên li dijî welatê wî asteng bike û got, "Rûsya çiqas kêmtir serketî be, motîvasyona wê ya ji bo bidawîkirina şer ewqas mezintir dibe."

Zelenskiy tekez kir ku xurtkirina qada hewayî ya Ukraynayê tê wateya nêzîkbûna bidawîkirina şer.

Zelenskiy destnîşan kir ku ewlehiya qada hewayî ya Ukraynayê ji bo welatên hevalbend jî girîng e û diyar kir ku ew ê ji bo xurtkirina şiyanên parastina hewayî bixebitin.