Barak: Peymana Sykes-Picotê ji bo Kurdan neyînî bû

PeyamaKurd - Balyozê Dewletên Yekbûyî yên Amerîkayê (DYA) yê Enqerê û Nûnerê Taybet ê DYA yê Sûriyeyê Tom Barrack destnîşan kir ku Peymana Sykes-Picotê bi ser neketiye û got ku polîtîkayên DYAyê yên niha yên li ser Sûriyeyê wê neşibin polîtîkayên wê yên 100 salên dawî yên li ser Sûriyeyê bin.

Balyoz Barrack diyar kir ku peymana Sykes-Picotê ku sînorên çêkirî xêz dikir, ji bo Kurdan encamên neyînî hanî û got: "Vê peymanê bê guman di derbarê Kurdan de çewtiyan pêk aniye û bandoreke neyînî li ser Peymana Sevrê û Peymana Lozanê jî kiriye, lewre welatên Rojava di sê demên cûda de soza heman axê dabûn her kesî."

Barrack diyar kir ku ji destpêka Şerê Cîhanê yê Yekem ve ji ber hêzên Rojavayî yên ku dixwazin herêmê ji bo armancên xwe manîpule bikin, pirsgirêk hene û ev tişt destnîşan kir:

" Sykes-Picot ev kir"

"Ez nabêjim ev rast e yan xelet e. Lê em bi Danezana Balfour dest pê bikin. Wan hewl da ku rêyek bibînin da ku herêmek nû û azad ji bo nifûsa Cihûyan biafirînin. Piştre ew veguherî Sykes-Picot, ku wekî hûn dizanin, tê de Brîtanîyek û Fransîyek hatin cem hev û hewl dan rêyek bibînin da ku herêmek bi fraksiyonên eşîrî û olî yên bêhempa bigirin û Împeratoriya Osmanî parçe bikin. Sîstemek hebû ku ji bo Împeratoriya Osmanî kar dikir, lê hûn nekarin sînorên çêkirî li dora eşîr û olan xêz bikin. Lê Sykes-Picot ev kir."

" Rojava di sê demên cuda de soza heman axê da her kesî" 

Tom Barrack diyar kir ku peymana Sykes-Picot, ku sînorên sûnî xêz dike, encamên neyînî ji bo Kurdan jî hene û wiha domand: 

"Bê guman ev yek bû sedema paşketinên ku me bi peymanê re û bê guman Peymana Sevrê, Peymana Lozanê û bê guman rêze paşketinên din ên têkildarî Kurdan re jiyan kirin. Ji ber ku Rojava di sê demên cûda de soza heman erdan dabû her kesî. Ev tevlihevî ji ku tê? Ev tevlihevî ji ber ku Rojava pêşeroja Rojhilat ferz dike tê. Ji ber ku li Rojhilat sotemeniyên fosîl hebûn û me pêdivî bi sotemeniyên fosîl hebû, ji ber vê yekê armanc ev bû."

Ev nivîs 52 car hatiye xwendin.