Mesrûr Barzanî serokê nû yê Koreya Başûr pîroz kir

PeyamaKurd – Serokwezîrê Herêma Kurdistanê Mesrûr Barzanî daxuyaniyek li ser platforma Xê belav kir û tê de Lee Jae-myung, serokê nû yê Komara Koreya Başûr, pîroz kir ji ber serkeftina wî di hilbijartina serokatiyê de.

Mesrûr Barzanî di daxuyaniya xwe de got:

“Ez Lee Jae-myung pîroz dikim ji ber hilbijartina wî weke Serokê Komara Koreya Başûr. Ez hêvî dikim ku em bi hev re kar bikin da ku têkiliyên di navbera Herêma Kurdistanê û Koreya Başûr de xurtir bibin, û dostaniya di navbera gelên me de kûrtir bibe.”

Ev daxuyanî piştî hilbijartina 3yê Hezîrana 2025an hat, ku Lee Jae-myung bi 49.42% ê dengan li hemberî namzedê mihafezekar Kim Moon-soo, ku 41.15% ê dengan wergirt, bi ser ket. Hilbijartin piştî krîzeke siyasî ya giran li Koreya Başûr pêk hat, ku tê de serokê berê Yoon Suk Yeol ji ber hewldana xwe ya îlankirina qanûna awarte di Kanûna 2024an de ji peywirê hate bidûrxistin.

 

 

 

Mesrûr Barzanî tekezî li ser girîngiya xurtkirina têkiliyên dualî kir, nemaze di warên aborî, teknolojiyê, û ewlehiyê de, û da zanîn ku Herêma Kurdistanê amade ye ji bo hevkariyê bi hikûmeta nû ya Koreya Başûr re ji bo pêşxistina berjewendiyên hevpar.

Ev nivîs 114 car hatiye xwendin.