Li Colemêrgê cenderme nobedariya guldexwînan dikin

PeyamaKurd - Li deverên cûda yên bajarê Colemêrgê yê Bakurê Kurdistanê, cenderme ji bo guldexwînên ku di bin parastinê de ne nobedariyê dike.

Li gorî daxuyaniya Walîtiyê ya li ser Xê guldexwînên ku di nav gel de bi navê 'bûka girî û şilêr’ jî tên naskirin, li gelek deverên bajêr vebûne.

Ji bo guldexwînên ku bi qasî 20 rojan dikarin bên dîtin û di bin parastinê de ne, 577 hezar lîre ceza ji kesên ku wan diçinin re tê birîn.

Li bajêr, cenderme xebatê dimeşîne ji bo parastina guldexwînên ku di herêmên wan ên berpirsiyariyê de ne.

Tîmên cendermeyê ku li herêma ku guldexwîn lê hene nobedariyê dikin ji bo ku ziyan neyê dayîn, şêniyên herêmê jî agahdar dikin.

Ev nivîs 55 car hatiye xwendin.