Li Rojavayê Kurdistanê, bi tenê al û sembolên Rêveberiya Xweser dê bên bikaranîn

PeyamaKurd – Hat ragihandin ku Rêveberiya Xweser a Rojavayê Kurdistanê talîmat daye hemû sazî û aliyên siyasî ku bi tenê wan al û sembolan  bi kar bînin ku Rêveberiya Xweser temsîl dikin. Ev biryar piştî bangewaziyên ji bo Rêveberiya Xweser a Rojava ji PKKyê bi dûr keve û di pergala nû ya Sûriyeyê de eniyeke yekgirtî ya Kurdan ava bike, hat dayîn.

Sekreterê Giştî yê Partiya Demokrat a Kurd a Sûriyê Nesredîn Îbrahîm ji Rûdawê re ji Karwan Feyzî Dirî re axivî, derbarê rênimayiyên Rêveberiya Xweser a Rojava ya derbarê bikaranîna al û nîşanan de nirxandin kirin.  

Nesredîn Îbrahîm got ku Rêveberiya Xweser a Rojava ji hemû sazî û aliyên siyasî re gotiye ku tenê ala Sûriyeya Azad, ala şoreşê û alên Hêzên Sûriyeya Demokratîk (HSD) û sembolên Rêveberiya Xweser bi kar bînin.     

Îbrahîm diyar kir ku di talîmatê de der barê bikaranîna nav û al û sembolên PKKyê de ti îzahat tune ye û got, "Aqilmend e ku Rojava nebe qada vekirî ya nakokiyên herêmî û nakokiyên kurdan."    

Îbrahîm diyar kir ku talîmata têkildarî 16ê kanûnê hatiye dayîn, lê heta niha ji raya giştî re nehatiye ragihandin.

El-Partî yek ji endamên Partiya Yekîtiya Niştimanî ya Kurd (PYNK) ye ku 24 partiyên bi ser Partiya Yekîtiya Demokratîk (PYD) ve di nav de ne.   

Ev nivîs 41 car hatiye xwendin.