Nûnerê Neteweyên Yekbûyî banga beşdarbûna hilbijartinan kir

PeyamaKurd –  Nûnerê Taybetî yê Sekreterê Giştî yê Neteweyên Yekbûyî li Iraqê El Hesen bang li welatiyan kir ku bi awayekî aktîf beşdarî hilbijartinên Parlamentoya Kurdistanê bibin.

Nûnerê Taybet ê Sekreterê Giştî yê Neteweyên Yekbûyî (NY) li Iraqê û Serokê Nûnertiya Neteweyên Yekbûyî li Iraqê (UNAMI) Mihemed El Hesen ji bo hilbijartinên Parlamentoya Kurdistanê peyameke vîdyoyî belav kir.

Hesen bal kişand ser wê yekê ku gelê Iraq û Herêma Kurdistanê wê rojên În û Yekşemê ji bo hilbijartina nûnerên xwe yên nû li Parlamentoya Kurdistanê biçin ser sindoqan û got, "Ev yek wê nûnertiya siyasî ya gelê Herêma Kurdistana Iraqê diyar bike ji bo çar salên din. Ew ê demokrasiyê ji nû ve zindî bike û bersivê bide pirsgirêkên gel."

Hesen bi bîr xist ku ev demek e Herêma Kurdistanê bê parlamento maye û wiha got:

“Hilbijartin xaleke girîng a paşeroja Herêma Kurdistanê ye. Piştî destbikarbûna wek nûnerê taybet ê sekreterê giştî yê Netewên Yekgirtî bo karûbarên Iraqê û serokê UNAMI bo cara yekê min serdana Herêma Kurdistanê kir. Herêma Kurdistanê îro herêmeke cuda ye ji berî dehsalan. Ez ji pêşkeftin û pêşkeftina ku min dîtiye pir bandordar im.

Wê gelek kêşeyên din hebin, lê Kurdistan ber bi paşerojeke baştir ve li ser rêya rast e. Niha dema nîşankirina vê rêyê ye. Kampanyaya hilbijartinê vê hefteyê bi dawî bû. Mitîngên partiyên siyasî û namzetan bi giştî aştiyane derbas bûn. Ev ruhê rast ê pêvajoya demokratîk e.”

Nûnerê Neteweyên Yekbûyî ku bang li nêzî 3 milyon dengdêr li Hewlêr, Silêmanî, Duhok û Helebce û bajarên din ên Iraqê kir ku biçin ser sindoqan û dengê xwe bidin û got: “Gelek birayên me yên Kurd ji bo pêşeroja nifşên paşerojê bedelên giran dan. Divê em bi têra xwe girîngiya bi kar anîna vî mafî rawestin."

Mihemed El-Hesen spasiya Komisyona Bilind a Serbixwe ya Hilbijartinan kir ji bo hemû xebatên amadekariyê yên ji bo ku hilbijartin bi awayekî azad, dadmend û şefaf pêk werin û got, “UNAMI bi pisporiya teknîkî û şîretên tîma xwe ya hilbijartinê piştgirî dide Komisyonê. Komîsyonê tedbîr û mekanîzmayên çareserkirina gilî û pirsgirêkên potansiyel ava kiriye. "Herwiha hevkarên navdewletî û herêmî jî beşdarî proseya çavdêriya derbarê hilbijartinan de dibin."

Hesen ji welatiyan re jî xwest ku hilbijartinên 18 û 20ê Cotmehê bi serkeftî bi dawî bibin. “Dengê xwe bidin bihîstin û ramanên we girîng bibînin. Deng bidin!" bang kir.