Li Iraqê 23 kes ji vîrusa hemorajîk mirin

PeyamaKurd – Wezareta Tenduristiya Iraqê ragihand ku hejmara nexweşên vîrusa hemorajîk ku ji ajalan derbasî mirovan dibe gihîştiye 136 kesan û 23 kes jî pê mirine.

Di çend mehên dawî de, nexweşiya taya xwînê ango vîrusa hemorajîk li Iraqê zêde bûye û Wezareta Tenduristiyê jî ketiye alarmê.

Vîrusa hemorajîk bêhtir li deverên Iraqê yên ajalvaniyeke ne li gorî standardan tê kirin peyde dibe û ji ajalan ew vîrus derbasî mirovan dibe.

Berdevkê Wezareta Tenduristiya Iraqê Seyf Bedir gotiye, ev vîrus ji salên 70yan ve bi taybet herêmên ku ajalvaniya ajalên mezin tê kirin haletên vîrusê têne tespîtkirin, lê îsal hejmar zêde bûye.

Bedir daye zanîn ku derziya bo wê vîrusê li Iraqê tune ye, lê ew dê ji bo pêşîgirtina belavbûna wê her cûre tedbîran bistînin.

Ev nivîs 210812 car hatiye xwendin.