Li Iraqê ji ber taya xwînê 18 kesan can da

PeyamaKurd – Hat ragihandin ku li seranserê Iraqê ji ber nexweşiya taya xwînê (Vîrusa Kirim Kongo) 18 kesan can daye.

Berdevkê Wezîrareta Tenduristiyê ya Iraqê Seyf el-Bedir, eşkere kir ku heta niha 18 kesan ji ber nexweşiya taya xwînê can daye û haletên wê nexweşiyê jî her diçe zêdetir dibin.

Bedir, daye xuyakirin ku li seranserê Iraqê hejmara haletan gihîştiye 90 kesan û heger bilez nexweş neyên tedawîkirin hejmara mirinan wê zêdetir bibe.

Nexweşiya Kirim-Kongo Kela Hemorajik (KKHA), ji qirniyên ajalan derbasî mirovan dibe û piştre ew qirnî li ser mirovan enfeksiyonê çêdikin û dibin sedema xwînberbûnê.

Ev nivîs 210740 car hatiye xwendin.