ئەمڕۆ دووشەممە هێزە ئەمنییەکانی سوریا دەستگیرکردنی نایف دێرغام، داواکاری گشتی سەربازی پێشووی سەردەمی ڕژێمی بەشار ئەسەدیان ڕاگەیاند.

ئەمەش بەگوێرەی ڕاگەیەندراوی نووسینگەی ڕاگەیاندنی فەرماندەیی ئاسایشی ناوخۆ لە لازقییە لە باکوری ڕۆژئاوای سوریا.

ئاسایشی ناوخۆ لە بەیاننامەیەکدا "دەستگیرکردنی تاوانبار نایف دێرغام، داواکاری گشتی سەربازی لە سوریا لە سەردەمی دەسەڵاتی ڕژێمی پێشوودا" پشتڕاستکردەوە.

لای خۆیەوە وەزارەتی ناوخۆی سوریا لە هەژمارە سۆشیال میدیاکانی خۆیدا ڕایگەیاندووە: "بەڕێوەبەرایەتی ئاسایشی ناوخۆ لە لازقیە، بە هاوکاری لەگەڵ لقی بەرەنگاربوونەوەی تیرۆر، و دوای چاودێری ورد و چاودێری بەردەوام، توانی جەنەڕاڵ مەیجر نایف ساڵح دێرغامی تاوانبار دەستگیربکات، کە خەڵکی گوندی ئەلشەمیە لە لادێی باکووری لازقییە و تێوەگلاوە لە ئەنجامدان". پێشێلکاری جددی بەرامبەر بە هاوڵاتیانی مەدەنی لە سەردەمی دەسەڵاتی ڕژێمی پێشوودا”.

ئەوەشی خستۆتەڕوو: "ئەو کەسەی پێشتر ئاماژەمان پێدا، یەکێکە لەو کەسایەتیانەی ئەوکاتە پۆستی سەرکردایەتی لە دامودەزگاکانی دەوڵەتدا هەبووە، لەوانەش پۆستی داواکاری گشتی سەربازی، کە لەو ماوەیەدا دادگای سەربازی و مەیدانی ژێردەستە بوون".

ئاماژە بەوەشکراوە، "تاوانبارەکە ڕەوانەی لایەنە پەیوەندیدارەکان کراوە بۆ تەواوکردنی لێکۆڵینەوەکان، ئەمەش وەک ئامادەکارییەک بۆ ڕەوانەکردنی بۆ دەسەڵاتی دادوەری کارامە و ڕێوشوێنی یاسایی پێویست کە لە دژی بگیرێتەبەر".

ئیدارەی نوێی سوریا کاردەکات بۆ کۆنترۆڵکردنی دۆخی ئەمنیی ئەو وڵاتە و بەدواداچوون بۆ پاشماوەکانی ڕژێمی پێشوو. لە ٨ی کانوونی دووەمی ٢٠٢٤، کوتلە سوورییەکان کۆنترۆڵی خۆیان بەسەر ئەو وڵاتەدا درێژکردەوە و کۆتایی بە ٦١ ساڵ دەسەڵاتی پارتی بەعس هێنا.

ئەم بابەتە 5 جار خوێندراوەتەوە