پەیامی کورد   ...   سەرۆک وەزیرانی پێشووی ئیسرائیل : ڕێژیمی ئێران هەوڵ دەدات بە كوشتنی كات میکانیزمی ماشە پووچەڵ بكاتەوە

"نەفتالی بێنت" سەرۆک وەزیرانی پێشووی ئیسرائیل هۆشداری دا کە کۆماری ئیسلامی ئێران پاش چالاکبوونی میکانیزمی ماشە، لە تاکتیکی کات كوشتن بۆ پێشگرتن لە جێبەجێ کردنی ئەم پرۆسەیە کەڵک وەردەگرێت. جەختیشی لەوە کردەوە کە لە ماوەی ٣٠ ڕۆژدا گەمارۆوە قورسەکانی سەر ڕێژیمی ئێران دەگەڕێنەوە.

بێنت لە ووتەکانی دا ووتی : زلهێزەکانی جیهان دەبێ پەیامێکی ڕوون بۆ کۆماری ئیسلامی بنێرن: یان دەست بەرداری بەرنامەی سەربازی ئەتۆمی و مووشەکی بالیستیک و پشتیوانی لە تیرۆریزمی ناوچەیی دەبێت، یان ڕووبەڕووی سزای ئیفلیجی دەبێتەوە کە ڕێژیم هەڵ دەتەكێنێ.

ناوبراو زیادی کرد: هیچ ڕێگەیەكی میانەیی بۆ کۆماری ئیسلامی لە ئارادا نییە.