پەیامی کورد   ...   عەباس عراقچی: هەوڵەكانی ئەورووپا بێ بەهایە ; هەڕەشە و پاڕانەوە لە بەرامبەر میكانیزمی ماشە

عەباس عێراقچی، وەزیری دەرەوەی ئێران، بڕیاری بەریتانیا، فەرەنسا و ئاڵمانیای بۆ سەپاندنەوەی سزا نێودەوڵەتییەکان بەسەر تاران دا بە تووندی ئیدانە کرد و بە بێ بەهای زانی، بەڵام هاوکات ئامادەیی ووڵاتەکەی بۆ گەڕانەوە بۆ دانووستانەکان دەربڕی.

لای خۆیەوە عەباس عێراقچی، وەزیری دەرەوەی ئێران، ئەم کردەوەی بە "هەنگاوی نایاسایی و ناڕەوای سێ ووڵاتی ئەورووپی"ی زانی و ئیدانەی کرد، جەختی کردەوە، ئەم هەنگاوە "گومان لە مەبەستی ڕاستەقینەی ئەم وڵاتانه بەرامبەر تاران زیاتر دەکات و بەرەو پێش بردنی ڕێڕەوی دیپلۆماسی ئاڵۆزتر دەکات".

وەزیری دەرەوەی ئێران لە پەیوەندییەکی تەلەفۆنیدا لەگەڵ کایا کاڵاس، بەرپرسی سیاسەتی دەرەوەی یەکیتی ئەورووپا، جەختی کردەوە ئێران "لە ووڵامی ئەم کارەدا هەنگاوی گونجاو دەگرێتەبەر".

بەڵام لەگەڵ ئەمەش دا، وەزیری دەرەوەی ئێران ئامادەیی ووڵاتەکەی بۆ دەستپێکردنەوەی دانووستانەكان لەسەر بەرنامەی ئەتۆمی دەربڕی، بەمەرجێک لایەنەکانی دیکە جیددی و نیازپاکی نیشان بدەن.