پەیامی کورد   ...   لە ماوەی کەمتر لە هەشت مانگدا ٨٠٠ کەس لە ئێران لە سێدارە دراون

بە پێی ئاماری تۆمارکراو لە ناوەندی ئامار و بەڵگەنامەکانی ڕێکخراوی مافی مرۆڤ ، کۆماری ئیسلامی ئێران لە سەرەتای ئەمساڵی زایینی یەوە تا ئێستا ٨٠٠ کەسی لە سێدارە داوە.

لە ماوەی هەشت مانگی ڕابردوودا لانی کەم ٣٠ زیندانی سیاسی و مەزهەبی لەسێدارە دراون. هەر لەو ماوەیەدا لانی کەم ٢٢ ژن و منداڵێکی تاوانبار  لە بەندیخانەکانی ئێران لە سێدارە دراون.

لە کۆی ئەو ٨٠٠ بەندکراوە کە لە سێدارە دراون، ١١٦ کەسیان کورد بوون، ١٠٧ کەسیان لوڕ بوون، ٩٢ کەسیان بەلووچ و ٨٢ کەسیان تورک بوون.
هەروەها و بەپێی ئامارەکان ، لانی کەم ٤٦ هاووڵاتی خەڵکی ئەفغانستان لەو ماوەیەدا لە بەندیخانەکانی ئێران لەسێدارە دراون.