پەیامی کورد   ...   پلانی ترامپ لە غەززە، هەناردنی فەلەستینیەکان بۆ ووڵاتانی دیکە لەخۆدەگرێت

بەپێی پلانێکی ٣٨ لاپەڕەیی کە واشینتۆن پۆست ئاشکرای کردووە، ئیدارەی ترامپ پێشبینی دەکات غەززە بگۆڕێت بۆ شوێنێکی گەشتیاری لەژێر چاودێری ئەمریکا و گواستنەوەی تا ٢ ملیۆن فەلەستینی بۆ ووڵاتانی دیکە وەک "خۆبەخشانە" بە پارەیەک.

بەگوێرەی ڕاپۆرتێک کە لە ڕۆژنامەی واشینتۆن پۆست دا بڵاوکراوەتەوە، پلانی "غەززەی دوای جەنگ" کە لەلایەن ئیدارەی دۆناڵد ترامپ سەرۆکی ئەمریکاوە ئامادەکراوە، بریتییە لە درووستکردنی ناوەندێکی گەشتیاری لەژێر کۆنتڕۆڵی ئەمریکا لە غەززە و گواستنەوەی تەواوی دانیشتووان بۆ ناوچەکانی دیکە وەک "خۆبەخشانە" بە پارەیەک.

بەگوێرەی ڕۆژنامەکە، بەڵگەنامەی 38 لاپەڕەیی بە ناوی "ئاوەدان کردنەوەی غەززە، خێراکردنی ئابووری و گۆڕینی ئۆتۆمبێل (VEHICLE)"، کە ئیدارەی ترامپ کاری لەسەر دەکات، بە ووردی باس لە دۆخی غەززە دەکات.

"سەنتەرێکی پشوو و تەکنۆلۆجیا لەژێر چاودێری ئەمریکادا"

بەو پێیەش ئەو پلانە لەسەر بنەمای تێڕوانینی ترامپ ە کە ئەمریکا لانیکەم بۆ ماوەی ١٠ ساڵ ئیدارەی ناوچەکە دەگرێتە ئەستۆ. هەروەها لە بەڵگەنامەکەدا پێشبینی دەکرێت غەززە ببێتە ناوەندێکی گەشتیاری و ناوەندێکی بەرهەمهێنانی تەکنۆلۆژیای بەرز.

دەربەدەری "خۆبەخشانە" بۆ فەلەستینییەکان

ئەو بەڵگەنامانەی کە واشینتۆن پۆست دەستی کەوتووە پێشبینی گواستنەوەی کاتی "خۆبەخشانە"ی نزیکەی دوو ملیۆن فەلەستینی دانیشتووی غەززە دەکەن، یان بۆ ووڵاتانی دیکە یان بۆ ناوچەیەکی سەلامەت و سنووردار.

پلانەکە بریتییە لە کۆمپانیایەک کە بەرپرسە لە ئاوەدان کردنەوەی ناوچەکە کە بڕی پێنج هەزار دۆلاری کاش دەداتە خەڵکی غەززییەکان و کرێی خانووەکانیان لە دەرەوەی غەززە بۆ ماوەی چوار ساڵ دەدەن.

" واژووی ئیسرائیلییەکان"

هەروەها لە بەڵگەنامەکەدا پێشبینی دامەزراندنی "سندووقی مرۆیی غەززە" (GHF)" دەکات بۆ بەڕێوەبردنی دابەشکردنی هاوکارییەکان لە غەززە. ئەم دامەزراوەیە لەلایەن ئیسرائیلییەکانەوە دامەزراوە کە بەرپرسیارن لە برسییەتی بەربڵاو لە ناوچەکەدا.

"هێشتا پەسەند نەکراوە"

ئەو سەرچاوانەی کە نەیانویستووە ناویان ئاشکرا بکرێت بۆ ڕۆژنامەی واشینتۆن پۆستیان کردووە، ڕایانگەیاندووە، ئیدارەی ترەمپ کار لەسەر چەند پلانێک دەکات، بەڵام تا ئێستا هیچیان پەسەند نەکراون.
سەرچاوەکان هەروەها ڕایانگەیاندووە، پلانەکە لەسەر دیدگای ترامپ دامەزراوە کە "غەززە بکاتە ناوەندی گەشتیاری ڕۆژهەڵاتی ناوەڕاست".