پەیامی کورد   ...   کۆچی دوایی تۆنی تۆد ؛ نواندن بە ٢٠٠ ڕۆڵ ەوە

تۆنی تۆد، ئەکتەری بەناوبانگی ئەمریکی و زیاتر لە ٢٠٠ ڕۆڵی لە سینەما و تەلەفزیۆندا هەبووە، لەوانە فیلمەکانی "پلایتۆن"، "مەبەستی کۆتایی"، "زە ڕۆک" و "مای سلۆ"، لە تەمەنی ٦٩ ساڵیدا کۆچی دوایی کرد.

بەگوێرەی ڕاپۆرتێک ، تۆد کە لە ساڵی ١٩٥٤ لە واشنتۆن دی سی لەدایک بووە، لە ماوەی ٤٠ ساڵی ژیانی هونەریدا ڕۆڵی لە سەدان بەرهەمی تەلەفزیۆنی و فیلمدا هەبووە. یەکێک لە یەکەم ڕۆڵەکانی، سەرجەنت وارن بوو کە ئالوودەی هێرۆین بوو لە درامای جەنگی پلەیتۆنی ئۆلیڤەر ستۆن کە خاوەنی خەڵاتی ئۆسکار بوو. هەروەها لە فیلمی The Rock لە ساڵی ١٩٩٦ لەگەڵ نیکۆلاس کەیج بەشداری کردووە و لە زنجیرەی Final Destination و The Crow ڕۆڵی سەرەکی گێڕاوە.

لە تەلەفزیۆنەکاندا، تۆد لە چەندین زنجیرەی بەناوبانگدا بەشداری کردووە، لەوانە ٢٤، کوشتن: ژیان لەسەر شەقام، کەیسی نەناسراو، ٢١ شەقامی بازدان، دادگای شەو، ماکگایڤەر، ماتلۆک، یاسا و ڕێسا، "بێڤەرلی هیڵز ٩٠٢١٠" و "زینا: شازادەی جەنگاوەر و کوشتن". هەروەها چەندین ڕۆڵی لە زنجیرە بەناوبانگەکەی "ستار ترێک"دا بینیوە.

بەپێی ڕۆژنامەی گاردییەنی بەریتانی، تۆنی تۆد ئەکتەری دەنگی بەرهەمداریش بووە کە دەنگی یارییەکانی وەک "Call of Duty" و هەروەها کارەکتەری ڤینۆم لە فیلمی "Spider-Man 2" و خراپەکاری فیلمی "Transformers: Revenge of the Fallen"ی داوە.

لە فیلمی Candyman لە ساڵی 1992 ڕۆڵی بکوژێکی قەڵغان و زنجیر دەگێڕێت کە کاتێک کەسێک لەبەردەم ئاوێنەدا پێنج جار ناوی دووبارە کردەوە، بانگهێشت دەکرێت. هەروەها ڕۆڵی خۆی لە دووبارە درووستکردنەوەی فیلمی Candyman لە ساڵی ٢٠٢١دا دووبارە کردەوە کە لە دەرهێنانی جۆردن پیل بوو.
لە ماوەی ساڵانی کارکردنی لە بواری سینەما و تەلەفزیۆن، تۆنی تۆد ناوبانگەکەی بۆ چالاکییە کۆمەڵایەتییەکان و ئەنجامدانی سیمیناری نواندن بۆ منداڵانی کەمدەرامەت بەکارهێنا.