سەرۆکی هەرێمی کوردستان پێشوازی له باڵیۆزی ڕووسیا کرد
پەیامی کورد ... سەرۆکی هەرێمی کوردستان پێشوازی له باڵیۆزی ڕووسیا کرد
دووشه‌ممه 2024/12/2 نێچیرڤان بارزانی، سەرۆکی هەرێمی کوردستان، له دیدارێکدا له‌گه‌ڵ ئێلبروس کوتراشێڤ، باڵیۆزی ڕووسیا لە عێراق، پەیوەندییەکانی ڕووسیای له‌گه‌ڵ عێراق و هەرێمی کوردستان تاوتوێ کرد و جه‌ختیان له‌سەر بره‌ودان به هاوکاری هاوبه‌ش له بواره جیاجیاکاندا، کرده‌وه.
هه‌ردوولا دەربارەی په‌یوه‌ندییه‌کانی هه‌ولێر - به‌غدا، هه‌ڵبژاردنی په‌رله‌مانی کوردستان، گفتوگۆی لایه‌نه سیاسییه‌کان بۆ پێکهێنانی کابینه‌ی نوێی حکوومه‌تی هه‌رێمی کوردستان و یه‌که‌م دانیشتنی په‌رله‌مان، که ئه‌مڕۆ به‌ڕێوه ده‌چێت، بیروڕایان گۆڕییه‌وه.
ئاڵۆزییه‌کانی ڕۆژهەڵاتی ناوەڕاست، بەتایبەتی دۆخی ئێستای سووریا و کاریگەرییە هەرێمییەکانی، ته‌وه‌رێکی دیکه‌ی دیداره‌که بوو که کونسووڵی گشتی ڕووسیا له هه‌رێمی کوردستان، ئاماده‌ی بوو.
ئەم بابەتە 12 جار خوێندراوەتەوە
