چای رەش ئاستی شەکری خوێن رێکدەخات
پەیامی کورد... چای رەش ئاستی شەکری خوێن رێکدەخات
توێژینەوەیەک رایدەگەیێنێت، خواردنەوەی چا یارمەتیی کەمکردنەوەی شەکری خوێن دەدات، بەڵام بەمەرجێک کە بەشێوەیەکی سنووردار بخورێتەوە.
توێژەران لە توێژینەوەیەکیان لەسەر خواردنەوەی چا بەتایبەت چای رەش کردووە و دەرکەوتووە، کاریگەریی ئەرێنی لەسەر هاوسەنگکردنی شەکری خوێن دەبێت و یارمەتیی دەردانی ئەنسۆلین دەدات کە هۆرمۆنێکی گرنگە بۆ رێکخستنی شەکری خوێن.
لە توێژینەوەکەدا دەرکەوت، 28٪ـی بەشداربووان لەو کەسانە بوون کە رۆژانە چای رەشیان خواردووەتەوە و زیاتر لە رێژەی ئاسایی میزیان کردووە، ئەمەش وادەکات رێژەیەکی زیاتر گلوکۆز لە جەستەیان بچێتە دەرەوە.
سەرپەرشتیاری توێژینەوەکە دەڵێت: ”بە مەرجێک چای رەش شەکری خوێن رێکدەخات کە هیچ بڕە شەکرێکی تێنەکرێت و بە سادەیی بخورێتەوە”.
بە گوێرەی کۆمەڵەی شەکرەی ئەمریکی، جگە لە چا خواردنەوە ‘دوورکەوتنەوە لە خۆراکی ناتەندروست، ئەنجامدانی چالاکیی جەستەیی رۆژانە و رێکخستنی کاتەکانی خەو’ رێگەی کاریگەرن بۆ کەمکردنەوەی مەترسیی تووشبوون بە شەکرەی جۆری دوو و رێکخسنتی رێژەی شەکری خوێن.
بو گوێرەی ئامارەکانلە ساڵی 2021 زیاتر لە 141 ملیۆن تووشبووی نەخۆشیی شەکرە هەبوون کە شەکرەی جۆری دوو بەراورد بە شەکرەی جۆری یەک بەربڵاوترینە.
