Ukraynayê banga 'lezgîn' li NATOyê kir!
PeyamaKurd – Wezîrê Derve yê Ukraynayê Andrii Sybiha "bi lez" daxwaza 19 sîstemên berevaniya esmanî yên din ji NATOyê kir da ku dezgeh û binesaziya enerjiyê ya welatê xwe biparêze.
Sekreterê Giştî yê NATOyê Mark Rutte û Sybiha beriya civîna di formata Konseya NATO-Ukraynayê ya ku di çarçoveya Civîna Wezîrên Karên Derve ya NATOyê de hat lidarxistin de daxuyanî dan.
Rutte di civîna ku hat lidarxistin de diyar kir ku Nûnerê Bilind ê Polîtîkayên Derve û Ewlekariyê yê Yekîtiya Ewropayê (YE) Kaja Kallas jî wê beşdar bibe, pêwîstiya zêdekirina piştgiriya leşkerî ya ji bo Ukraynayê nirxand. Wî diyar kir ku wê mijarên wekî parastina binesaziya enerjiyê ya li welêt û alîkariya berevaniya esmanî bên gotûbêjkirin.
Rutte piştgiriya NATOyê ya ji bo Ukraynayê dubare kir û got, "Ez dixwazim we piştrast bikim ku hevalbend bi we re ne."
Rutte bal kişand ku li Ukraynayê ku şer lê dewam dike rojên zivistanê yên sar hene û destnîşan kir ku divê ji bo parastina şebekeya enerjiyê û binesaziyê piştgirî bê dayîn. Rutte: "Em nikarin destûrê bidin ku Rûsya zivistanê li Ukraynayê bi çek bike."
Rutte bal kişand ser hewcedariya Ukraynayê ya ji bo zêdekirina alîkariyên leşkerî bi taybetî pergalên berevaniya hewayî û got:
"Pêdivî ye ku gelek tiştên din bêne kirin da ku gava hûn biryar bidin ku rojekê bi Rûsan re hevdîtinek pêk bînin, hûn dikarin ji pozîsyonek hêzdar vê yekê bikin. Em ê îşev li ser vê yekê biaxivin."
