Washington Post: Amerîka dê di nîvê yekem ê îsal de êrîşî Îranê bike

PeyamaKurd – Şêwirmendê pilebilind ê rêberê olî yê Îranê Ayetullah Elî Xamineyî, Elî Larîcanî got, eger Amerîka yan Îsraîl Îranê bombebaran bike, Îran dê berê xwe bide çekên bide nukleerî. 

Ev yek piştî gefên Serokê Amerîkayê Donald Trump hat ku wî got eger Îran bernameya xwe ya nukleerî ranewestîne, dê “bombebaranên nedîtî” çêbibin. 

Trump êrîşên li dijî Hûsiyên Yemenê yên piştgirê Îranê dabû destpêkirin û Îsraîlê jî li Xezeyê êrîşên xwe zêde kir. 

Ajansa Navnetewî ya Enerjiya Atomê ragihand ku Îran ûranyûma dewlemendkirî zêde kiriye û Îsraîl bi eşkere piştgiriya Amerîkayê ji bo êrîşeke li ser Îranê dixwaze.

Rojnameya Amerîkî, Washington Post ku xwe spart îstixbarata Amerîkî texmîn dike ku Îsraîl dibe di nîvê yekem ê îsal de êrîşî tesîsên nukleerî yên Îranê bike. 

Hêzên Amerîkî di nav de bombeyên B-2 û keştiya USS Carl Vinson, ber bi herêmê ve dikişînin.

Trump hewl da bi nameyekê danûstandinan pêşniyar bike, lê Îranê danûstandinên rasterast red kir, tenê rêya nerasterast vekirî hişt. 

Xamineyî hişyarî da ku êrîşeke li dijî Îranê dê bersiveke tund bîne.

Ev nivîs 48 car hatiye xwendin.