Wezîrê Derve yê Îsraîlê: Rola Tirkiyê li Sûriye û Lubnanê xerab e

PeyamaKurd – Wezîrê Karûbarên Derve yê Îsraîlê Gideon Saar ragihand ju ew ji rola Tirkiyê ya li Sûriyeye û Lubnanê dilgiran in.

Gideon Saar îro 3yê Nîsanê di civîneke çapemeniyê de got, tevahiya çalakiyên wan ên leşkerî yên li Sûriyeyê armanc jê parastina ewlehiya Îsraîlê û rêgirtina li ber çêbûna her gefekê ne li ser ewlehiya wan. 

Gideon Saar da zanîn, tu niyeteke wan a din li Sûriyeyê nîne.

Derbarê hebûna Tirkiyeyê ya li Sûriyeyê jî got, ew ji rola Tirkiyê ya li Sûriyê dilgiran in. Rola Tirkiyê nerênî ye, ew dixwaze Sûriyeyê bixe bin destên xwe, lê çênabe Sûriye bikeve bin destên wê.

Wezîrê Derve yê Îsraîlê destnîşan kir ku berê Sûriye di destê Îranê de bû, lê niha divê Sûriye nebe welatekî di bin parastina Tirkiyê de.

Gideon Saar tekez kir, Tel Aviv dê rê nede ku rewş vegere ser sînorên wê berî 6ê Cotmehê.

Ev daxuyaniya Wezîrê Derve yê Îsraîlê di demekê de ye ku artêşa Îsraîlê avahiya Lêkolînên Zanistî ya li Şamê, Firokxaneya Leşkerî ya Hemayê û çend xalên din li Der’ayê bombebaran kirin û hejmarek kes hatin kuştin.

Ev nivîs 50 car hatiye xwendin.