Parlamenterê Kurd bi madelyeya zêrîn hat xelatkirin
PeyamaKurd – Parlamenterê Kurd li herêma Krasnedar a Rûsyayê Zorîkê Rostem Sadoyan, bi xelata madelyeya zêrîn û rûmetê hat xelatkirin.
Xelata Sadoyan, ji aliyê Parêzgarê Krasnedarê Venamin Kondratyv ve bi merasîmekê hat dayîn.
Parêzgarê Krasnodarê dema pêşkeşkirina xelatê got ku Zorîkê Rostem di xebatên parlamentoyê de û çareserkirina pirsgirêkên paytexta herêmê Kubanê de, gelekî bûye alîkar.
Zorîkê Rostem ji bo xelatê spasiya Veniamin Kondratyev kir û got ku dê ev xelat wî teşwîqî serkeftinên zêdetir bike. Sadoyan sala 1972yan li gundê Hako di nav malbateke Kurd de hatiye dinê û 10 sal in parlementeriyê dike.
Li herêma Krasnedar, zêdetirî 22 hezar Kurd dijîn ku li Rûsyayê bi serjimariya 1,1 milyon kesan herêma 8emîn a herî qelebalix a Rûsyayê ye.
Ev nivîs 210702 car hatiye xwendin.
