HSDê îdîayên 'Zexta Amerîkayê' red kir!
PeyamaKurd - Çavkaniyek di Hêzên Sûriyeya Demokratîk (HSD) de îdiayên ku DYA zextê li HSDê dike red kir û got ku her du alî li ser mîsyonên hevbeş ên nû nîqaş dikin.
Ev daxuyanî piştî raporek li ser malpera Middle East Eye hat ku tê de îdia dikir ku rayedarên Amerîkî HSD hişyar kirine ku heke Şam operasyonek leşkerî bide destpêkirin, dibe ku hevpeymaniya navneteweyî nikaribe wan biparêze, heke peymana 10ê Adarê neyê bicîhanîn.
Çavkaniya HSDê îdiayan wekî "retorîka çêkirî û dubarekirî ku rastiyê nîşan nade û armanc ew e ku raya giştî bixapîne" bi nav kir.
"Tu zextek Amerîkî li ser HSDê tune. Berevajî vê, em bi hev re li ser berpirsiyariyên nû nîqaş dikin."
Çavkaniyê herwiha diyar kir ku DYA "girîngiya tevlêbûna HSDê di nav artêşa Sûriyeyê de tekez kiriye", û hişyarî da ku têkçûna vê yekê wê "ji bo hikûmetê felaket be."
Çavkaniyê "pabendbûna HSDê ya ji bo diyalogê" dubare kir û got, "Em rola hevalbendên xwe û navbeynkarên navneteweyî di gihîştina rêkeftinek dawî bi Şamê re teqdîr dikin."
