Li Tirkiyê 5 pêketiyên vîrusa MonkeyPox hatin tomarkirin

PeyamaKurd – Hat ragihandin ku heta niha li Tirkiyê 5 nexweşên MonkeyPox ango Xuriya Meymûnê hatine tomarkirin ku kesek di bin çavdêriya bijîşkî de ye.

Wezîrê Tenduristiyê yê Tirkiyê Fahrettîn Koca eşkere kir, heta niha 5 kes bi Xuriya Meymûnê ketine, 4 kes baş bûne û kesek jî di bin çavdêriya bijîşkî de ye.

Hefteya borî Rêxistina Tenduristiya Cîhanê (WHO) rewşa lezgîn bo Xuriya Meymûnê ragihandibû ku piraniya pêketiyan li welatên Afrîkayê hatine tomarkirin.

Li gorî amaran, ji destpêka derketina Xuriya Meymûnê ji meha Gulana 2022yan ve, li 74 welatan zêdetirî 17 hezar kes pê ketine.

Ev nivîs 210740 car hatiye xwendin.