پەیامی کورد   ...   ترامپ : ناتانیاهوو گوێ بە بایدن نادات

دۆناڵد ترامپ بە ئاماژەدان بە پەیوەندییە تەلەفۆنییەکەی لەگەڵ بێنیامین ناتانیاهوو ، ووتی : سەرۆکوەزیرانی ئیسرائیل گوێ بە سەرۆک کۆماری ئێستای ئەمریکا نادات، بەڵام ئەگەر ببێتە سەرۆک کۆماری ئەمریکا، ناتانیاهوو 100% گوێی لێدەگرێت.

بەگوێرەی ڕاپۆرتێک ، دۆناڵد ترامپ، سەرۆکی پێشووی ئەمریکا و کاندیدی پارتی کۆمارییەکان لە هەڵبژاردنی سەرۆکایەتی ساڵی ٢٠٢٤، ڕۆژی شەممە لە میانەی گردبوونەوەی لایەنگرانی لە ویلایەتی پێنسیلڤانیا ڕایگەیاند: "جۆ بایدن، سەرۆکی ئەمریکا، بە سەرۆکوەزیرانی ئیسرائیل، بێنیامین ناتانیاهوو دەڵێت، "ئەوە مەکە و هەموو نوێنەرەکانمان شایەتحاڵن بەڵام بیبی گوێی لێناگرێت".

بە پێی ڕاپۆرتی ڕۆژنامەی تایمزی ئیسرائیل ، سەرۆکی پێشووی ئەمریکا بانگەشەی کردووە: "وە هۆکارەکەی پێتان دەڵێم، ئەوان (ئیسرائیل) لە پێگەیەکی زۆر بەهێزتردان لەوەی سێ مانگ لەمەوبەر بوون و هۆکارەکەش دەبێ وا بێت". ئەمە."

ئاماژەی بەوەشکرد، ناتانیاهوو گوێ لە بایدن نادات، چوونکە ئەگەر گوێی لە بایدن بگردایە، ئەوە لەم دۆخەی ئێستادا نەدەبوو.

ترامپ پێشتر باسی ئەم بابەتەی کردبوو و ڕایگەیاندبوو کە ئەگەر ببێتە سەرۆک کۆمار، سەرۆکوەزیرانی ئیسرائیل گوێ لە قسەکانی "١٠٠٪" دەگرێت.

سەرۆکی پێشووی ئەمریکا هەروەها پشتڕاستی کردەوە کە پەیوەندییەکی تەلەفۆنی لەگەڵ بێنیامین ناتانیاهوو هەبووە و ڕەخنەی لە بایدن گرتووە کە بە سەرۆک وەزیرانی ئیسرائیل دەڵێت چی بکات و چی نەکات.