پەیامی کورد   ...   زانکۆی ئیمام حسێن لە تاران لە هێرشی مووشەکی ئیسرائیل وێران کرا

وێرانبوونی زانکۆی ئیمام حسێن لە تاران لە هێرشی مووشەکی ئیسرائیل دا ؛ گورزێکی قورس لە بەرنامەی ئەتۆمی ڕژێم

وێنە بڵاوكراوەكانی مانگی دەستکرد لە بۆردوومانەكانی ڕۆژی دووشەممەی هێزی ئاسمانی ئیسرائیل، نیشان دەدەن كە زیانێکی بەرفراوان بە زانکۆی سەربازی _ ئەندازیاری ئیمام حسێن لە تاران گەیشتووە. ئەم زانکۆیە کە سەر بە سوپای پاسدارانە، وەک یەکێک لە ناوەندە سەرەکییەکانی مەشق و ڕاهێنان بۆ فەرماندە باڵاکانی سوپای پاسداران و تاقیگەی توێژینەوەی پەیوەندیدار بە بەرنامەی ئەتۆمی ڕێژیم ناسراوە.

ڕاپۆرتەکان ئاماژە بەوە دەکەن کە زۆرێک لە زانایانی سەرەکی لە بەرنامەی ئەتۆمی ئێران دا لەو ناوەندەدا کاریان کردووە و لە هێرشەکاندا کوژراون.

وێنەكانی مانگی دەستکرد کە لەلایەن سەرچاوە هەواڵییە سەربەخۆکان و لێكۆڵەران پێداچوونەوەیان بۆ کراوە، زیانێکی زۆر لە پێکهاتە سەرەکییەکانی زانکۆکە نیشان دەدەن. ئەم هێرشە کە بەشێک لە ئۆپراسیۆنی بەرفراوانتری ئیسرائیل بۆ سەر دامەزراوە سەربازی و ناوکییەکانی کۆماری ئیسلامی بوو، گورزێکی کوشندەی لە ژێرخانە هەستیارەکانی ڕێژیم داوە.