سه‌رۆكى هه‌رێمى كوردستان، پێشوازی لە هەڵسووڕێنەری کونسووڵخانەی گشتی ئیمارات كرد
پەیامی کورد ... سه‌رۆكى هه‌رێمى كوردستان، پێشوازی لە هەڵسووڕێنەری کونسووڵخانەی گشتی ئیمارات كرد
سێشه‌ممه 2025/6/17 نێچیرڤان بارزانى، سه‌رۆكى هه‌رێمى كوردستان، له دیدارێكدا له‌گه‌ڵ خاتوو شەیخە بەشیر فەرحان، هەڵسووڕێنەری کونسووڵخانەی گشتی ئیمارات لە هەرێمی کوردستان، په‌یوه‌ندییه‌كانى هه‌رێمى كوردستان و ئیماراتیان، تاوتوێ کرد.
سه‌رۆك نێچیرڤان بارزانى، وێڕاى پیرۆزبایى بۆ ده‌ستبه‌كاربوون، هیواى سه‌ركه‌وتنى بۆ خواست و هه‌موو پشتگیرییه‌كى لایه‌نه په‌یوه‌ندیداره‌كانى هه‌رێمى كوردستانى بۆ سه‌رخستنى ئه‌ركه‌كه‌ى، دووپات كرده‌وه.
لاى خۆیه‌وه خاتوو شه‌یخه، سڵاو و ڕێزى سه‌رۆك شێخ محه‌مه‌د بن زاید ئال نه‌هیان سه‌رۆكى ئیمارات و سه‌ركردایه‌تی ووڵاته‌كه‌ى به سه‌رۆكى هه‌رێمى كوردستان گه‌یاند و جه‌ختى له خواستى ئیمارات بۆ بره‌ودانى زیاتر به په‌یوه‌ندییه‌كانى له‌گه‌ڵ هه‌رێمى كوردستاندا كرده‌وه.
ده‌رفه‌تى كار و وه‌به‌رهێنانى ئیماراتى له عێراق و هه‌رێمى كوردستان و دوایین پێشهاته‌كانى ناوچه‌كه و لێكه‌وته‌كانى، ته‌وه‌رێكى دیكه‌ى دیداره‌كه بوو.
ئەم بابەتە 10 جار خوێندراوەتەوە
