پەیامی کورد   ...   سەرۆک بارزانی پێشوازی لە هەڵسووڕێنەری کاروباری کونسووڵخانەی دەوڵەتی ئیمارات لە هەولێر کرد

سەرۆک بارزانی و ھەڵسووڕێنەری کاروباری کونسووڵخانەی دەوڵەتی ئیمارات لە ھەولێر، جەختیان لە دۆستایەتی و پەیوەندی نێوان ھەرێمی کوردستان و ئیمارات کردەوە.

سێشەممە ١٧ی حوزەیرانی ٢٠٢٥ لە سەلاحەددین سەرۆک مەسعوود بارزانی پێشوازی لە (شیخە بشیر فرحان) ھەڵسووڕێنەری کاروباری کونسووڵخانەی دەوڵەتی ئیمارات لە ھەولێر کرد.

لە دیدارەکەدا ھەردوولا جەختیان لە دۆستایەتی و پەیوەندی نێوان ھەرێمی کوردستان و ئیمارات کردەوە. ھەروەھا سەرۆک بارزانی سوپاس و پێزانینی خۆی بۆ ھەڵوێستی سەرکردایەتی ئیماراتی ڕاگەیاند لە پاڵپشتیکردنی ھەرێمی کوردستان لە قۆناغە جیاجیاکاندا.

بارودۆخی سیاسی و دوایین پێشھاتەکانی ناوچەکە تەوەری تری ئەو دیدارە بوو.