پەیامی کورد   ...   سەرۆکی حکوومەت لەگەڵ شاندی دانووستانکاری هەرێم کۆ دەبێتەوە

یەکشەممە 8/31 ، مەسروور بارزانی سەرۆکی حکوومەتی هەرێمی کوردستان،لەگەڵ شاندی دانووستانکاری حکوومەتی هەرێم لەگەڵ حکوومەتی فیدراڵ، کۆ بووەوە.

لە کۆبوونەوەکەدا،  شاندەکە دوایین  ئەنجامی گفتوگۆکانیان سەبارەت بە بابەتە تەکنیکی و یاساییەکان لەگەڵ حکوومەتی فیدراڵ خستەڕوو و ئاماژەیان بەوە دا کە داتا و زانیاری تەواویان پێشکەش کردووە و ڕوونکردنەوەی پێویستیان لەبارەی هەموو کێشە و بابەتەکان داوە.

کۆبوونەوەکە جەختی لە گرینگی بەردەوام بوونی گفتوگۆکان و خێراترکردنی ڕێرەوی دانوستان بە ئاراستەی گەیشتن بە ڕێککەوتن و دابینکردنی مافە دەستووری و یاسایی یەکان و مووچە و شایستە داراییەکانی هەرێمی کوردستان کردەوە.