پەیامی کورد   ...   وەزیری تەندرووستی دوایین زانیاری سەبارەت بە دامەزراندنی دەرچووانی پزیشکی دەخاتەڕوو

وەزیری تەندرووستی حکوومەتی ھەرێمی کوردستان دەڵێت، بڕیاری دامەزراندنی دەرچووانی پزیشکی ھەموو ڕێکارەکانی تەواو بووە و لەماوەیەکی نزیک دا دەست بەکار دەبن.

دکتۆر سامان بەرزنجی، وەزیری تەندرووستی حکوومەتی ھەرێمی کوردستان، لە لێدوانێک دا ڕایگەیاند، بەداخەوە ئەمساڵ یەکەم ساڵە دامەزراندنی دەرچووانی پزیشکی دواکەوت بەھۆی ئەوەی بوودجە و میلاکی ھەرێمی کوردستان لە دامەزراندن و خشتەکانی بوودجە و ھەوڵدان بۆ وەرگرتنی پشکی ھەرێمی کوردستان لە دامەزراندن نیە، کە ئێمەش مافی خۆمان ھەیە لە ساڵەکانی ٢٠٢٣ و ٢٠٢٤ و ٢٠٢٥، بەڵام ھەر خەریکین و تا ئێستاش نەیانکردووە.

وەزیری تەندرووستی ئاماژە بەوە دەکات، بە سوپاسەوە سەرۆکی حکوومەتی ھەرێمی کوردستان لە کۆبوونەوەی ئەنجوومەنی وەزیران زنجیرەی دامەزراندنی پزیشکانی ڕاگەیاند، واتا تەنھا دامەزراندن نیە بەڵکوو دەبنە خاوەن کاری خۆیان و ڕاھێنانە بۆ پزیشکانی داھاتوو بەتایبەت ئەو خولەی نیشتەجێی خولاو ڕانەوەستێت.

دکتۆر سامان بەرزنجی ووتیشی، دەرچووانی پزیشکی ساڵی ٢٠٢٣ بۆ ٢٠٢٤ لە ئەنجوومەنی ڕاژەش ھەموو ڕێکاری تەواو بووە و فەرمانی دامەزراندنیان ھەیە و لە داھاتوویەکی زۆر نزیکدا لە ڕۆژانی داھاتوو دەست بەکار دەکەن.