مه‌سروور بارزانی : گرژی و پێکدادانه‌كانی سلێمانی ئاسایش و سەقامگیری هەرێم دەکاتە ئامانج
پەیامی کورد ... مه‌سروور بارزانی : گرژی و پێکدادانه‌كانی سلێمانی ئاسایش و سەقامگیری هەرێم دەکاتە ئامانج
سه‌رۆك وه‌زیرانی هه‌رێمی كوردستان له باره‌ی ڕووداوه‌كانی سلێمانی په‌یامێكی بڵاو كردووه‌ته‌وه و تێیدا داوای دانبه‌خۆداگرتن له هه‌ردوو لایه‌نه به‌ركه‌وتووه‌كه ده‌كات و داوا ده‌كات ئاسایشی سلێمانی تێك نه‌چێت و كوڕی خه‌ڵك نه‌كرێته قوربانی.
به‌یانی هه‌ینی، 22ـی ئابی 2025، مه‌سروور بارزانی، سه‌رۆك وه‌زیرانی هه‌رێمی كوردستان له په‌یامه‌كه‌یدا ڕایگه‌یاندووه، ئەم گرژی و پێکدانانەی لە سلێمانی ڕوو دەدات، ئاسایش و سەقامگیری هەرێمی کوردستان دەکاتە ئامانج.
سه‌رۆك وه‌زیرانی هه‌رێمی كوردستان به پێویست یشی زانیوه، هەموو لایەک دان بە خۆیاندا بگرن و دەستبەجێ ئەو پێکدادانانە ڕابگیرێت و گەنجانی ئەم ووڵاتە نەکرێنە قوربانی، هەر کێشە و ناکۆکییەکیش هەبێت پێویستە بە ڕێگەی یاسایی چارەسەر بکرێت.
سه‌رۆك وه‌زیرانی هه‌رێمی كوردستان جه‌ختیشی كردووه‌ته‌وه، كه له‌گه‌ڵ هەموو لایەنەکان لە هەوڵدایه بۆ ئەوەی کۆتایی بەم گرژیانە بهێنرێت و ڕێگە لە خوێنڕشتن و تووندوتیژی بگیرێت.
ئەم بابەتە 7 جار خوێندراوەتەوە
