پەیامی کورد   ...   مەسروور بارزانی : ڕۆژنامەی خەبات مێژوویەکی پڕ لە سەروەری لە کاروانی ڕۆژنامەگەری کوریدا ھەیە

مەسروور بارزانی، بە بۆنەی (٦٦)ەمین ساڵیادی دەرچوونی ڕۆژنامەی خە‌بات، پەیامێکی پیرۆزبایی ئاراستەی سەرنووسەر و دەستەی نووسەران و کارمەندانی ڕۆژنامەی خەبات دەکات.

دەقی پەیامی پیرۆزبایی مەسروور بارزانی.

بەڕێزان سەرنووسەر و دەستەی نووسەران و کارمەندانی ڕۆژنامەی خەبات

بە بۆنەی ( ٦٦)مین ساڵیادی بە ئاشکرا دەرچوونی ڕۆژنامەی خەبات، پیرۆزبایی لە گشت کارمەندانی ڕۆژنامەی خەبات دەکەم و ھیوای سەرکەوتن و پێشکەوتنی زیاترتان بۆ دەخوازم.

ڕۆژنامەی خەبات، مێژوویەکی پڕ لە سەروەری لە کاروانی ڕۆژنامەگەری کوریدا ھەیە و خزمەتێکی زۆری بە زمان و کولتوور و ڕۆشنبیری کوردی کردووە و سەکۆیەکی گرینگ و ڕاستگۆی گەیاندنی پەیامی ئاشتیخوازانەی گەلی کوردستان و پەرەپێدانی ھزر و بیری نیشتمانپەروەرانە و پێکەوەژیانی ئاشتییانە بووە.

لە ساڵیادی دەرچوونی (خەبات) دا، دەستخۆشیتان لێ دەکەم و ئومێدی پێشڤەچوون و گەشەسەندنی زیاترتان بۆ دەخوازم.

مەسروور بارزانی

جێگری سەرۆکی پارتی دیموکراتی کوردستان

٢٠٢٥/٤/٤