پەیامی کورد   ...   وەزارەتی پێشمەرگە ڕێنماییەکانی خانەنشینی بڵاودەکاتەوە

ڕاگەیاندنی وەزارەتی پێشمەرگە
به پێی فەرمانی وەزاری، کە وەزیری پێشمەرگە واژووی لەسەرکردوە بەژمارە(١٤٧٠) لەڕێکەوتی ٢٠٢٥/١/٢٦ و پاڵپشت بەفەرمانی جەنابی سەرۆک وەزیران ژمارە (١٩١ لە ٢٠٢٥/١/١٥)، لەبەر تیشکی بریاری ئەنجوومەنی وەزیران ژمارە(٢٥٩) پشتبەست بە بریاری دادگای باڵای ئیتیحادی ژمارە(٢١٢ اتحادیة/۲۰۲۲) لە ٢٠٢٢/١١/٢٣ تایبەت بە جێبەجێکردنی یاسای خانەنشینی یەکگرتوو، ژمارە (٩) ساڵی ٢٠١٤ی هەموارکراو، ئاماژە بە ڕاپۆرتی تیمی هاوبەشی ووردبینی هەردوو دیوانی چاودێری دارایی ئیتحادی و هەرێم لە ڕۆژی ٢٠٢٣/١٠/١٧ تایبەت بە ئەنجامی چاودێری و ووردبینی ژمارەی فەرمانبەران و خانەنشین و سوودمەندانی چاودێری کۆمەڵایەتی لە هەرێم.
وەزارەتی پێشمەرگەی حکوومەتی هەرێمی کوردستانیش پشت بەست بە بریارەکانی وەزارەتی دارایی و ئابووری حکوومەتی هەرێمی کوردستان، ئەم فەرمانە وەزارییەی بۆ سەرجەم بەڕێوبەرایەتی و یەکە سەربازییەکان پەخشکردووە و بە پێی فەرمانەکە ئەفسەران و کارمەندانی وەزارەتی پێشمەرگە کە ئێستا خانەنشین دەبن بە پێی یاسای ڕاژە و خانەنشینی سەربازی ژمارە(٣)ی ساڵی ٢٠١٠ خانەنشین دەکرێن.
کە پاڵپشتە بە ماددەی(٣٥) لە برگەی (سێیەم/ب) لە یاسای خانەنشینی یەکگرتوو ژمارە(٩) ساڵی ٢٠١٤.
ئەمەی خوارەوەش دەقی فەرمانی وەزاری ژمارە(١٤٧٠) کە خۆی لە هەشت خاڵ دەبینێتەوە:-