پەیامی کورد   ...   چالاکوانێکی کرێکاری خەڵکی گوندی «ئەوێهەنگ»ی سەر بە شاری سنە لەلایەن هێزە چەکدارەکانی ئێران ەوە دەڕفێندرێت

لە شاری دەماوەندی ئێران چالاكوانێكی كرێكاری خەڵكی ڕۆژهەڵاتی كوردستان دەستبەسەر كراوە و ١١ كەسی دیكەش لێكۆڵینەوەیان لێ كراوە

لە ڕۆژانی ڕابردوودا، «فەرزاد ڕۆستەمی » چالاکوانی کرێکاری خەڵکی گوندی «ئەوێهەنگ»ی سەر بە شاری سنە و دانیشتووی دەماوەند، لەلایەن هێزەکانی ڕژیم دەست بەسەر كرا و بۆ شوێنێکی نادیار گواستراوەتەوە. 

بەپێی ڕاپۆرتێک لە كۆڵبەرنیووز ەوە ، هێزەکانی ڕژیم هاوکات یازدە چالاکوانی کرێکاری کوردی دانیشتووی دەماوەندیان بانگهێشت كردووە و لێپرسینەوەیان لێ كردوون، ئەو چالاكوانانە بریتین لە ؛ مەهدی قاسمی، لوقمان قاسمی، شاهۆ قاسمی، فەرزین ڕۆستەمی، بێهزاد ڕۆستەمی، شاپوور حەبیبی، جەلال محەممەدی، جەمیل سفیدی، سەیوان قاسمی، فەرشاد مەلەکی دوخت و ئیقباڵ مورادی. 
هێزەکانی ڕژیم پاش کۆتاییهاتنی لێپرسینەوەی ئەم چالاکانە دەستیان بەسەر تەلەفۆنی ئەم یازدە هاووڵاتییەدا گرتووە و ئازادیان كردوون.

بە ووتەی سەرچاوەکانی نزیک لەم هاووڵاتییانە، فشارەکانی دژی ئەم کرێکارانە بەهۆی بەشداری لە ڕێوڕەسمەکانی یەکی مانگی مەی ڕۆژی جیهانی کرێکار بووە.